Рассельгаснагляд забараніў увоз прадукцыі чатырох беларускіх прадпрыемстваў
Рассельгаснагляд заявіў, што вымушаны ўвесці новыя меры абмежавальнага характару ў дачыненні да шэрагу беларускіх прадпрыемстваў. Адпаведная заява з'явілася на сайце ведамства.
Ужо з 18 жніўня Рассельгаснагляд часова забараняе абмяжоўвае пастаўку ў Расію прадукцыі чатырох беларускіх прадпрыемстваў:
1. ААТ "Вітконпрадукт" (паўторнае выяўленне рэшткаў тэтрацыкліну ў мясе птушкі);
2. ААТ "Малочныя горкі" (паўторнае выяўленне ў пітным малацэ наяўнасці рэшткаў лінкаміцыну);
3. ААТ "Рагачоўскі МКК" (паўторнае выяўленне ў згушчаным малацэ наяўнасці рэшткаў лінкаміцыну);
4. ААТ "Савушкин продукт" (паўторнае выяўленне ў сухой малочнай сыроватцы наяўнасці рэшткаў цілазіну).
Калі ў Расію будзе пастаўляцца прадукцыя гэтых прадпрыемстваў, адгружаная да даты ўвядзення часовых абмежаванняў, рашэнне аб пропуску будзе прымацца ў звычайным рэжыме.
Таксама за выяўленыя парушэнні з 17 жніўня ўводзіцца рэжым ўзмоцненага лабараторнага кантролю да прадукцыі пяці беларускіх прадпрыемстваў:
1. СП ТАА "Бак" (выяўленне рэшткаў тэтрацыкліну ў буйнакавалкавых паўфабрыкатах з ялавічыны);
2. СААТ "Белавежскія сыры" (выяўленне рэшткаў салінаміцыну ў сыры);
3. ААТ "Бабруйскі мясакамбінат" (выяўленне рэшткаў тэтрацыкліну ў буйнакавалкавых паўфабрыкатах з ялавічыны);
4. ААТ "Здравушка-Мілк» (выяўленне ў малацэ наяўнасці рэшткаў цілазіну і цыпрафлаксацыну);
5. ААТ "Мінскі малочны завод №1" (выяўленне ў малацэ рэшткаў лінкаміцыну).