Расійскую амбасаду ў Мінску пакуль узначальвае часовы павераны Андрэеў
Былы амбасадар Расіі ў Беларусі Міхаіл Бабіч пакінуў Мінск. Як паведамляе РІА "Новости", да прыезду новага кіраўніка амбасаду ўзначальвае часовы павераны ў справах Уладзімір Андрэеў. Ён працуе на пасадзе дарадцы-пасланніка.
Як паведамлялася раней, замест Міхаіла Бабіча новым амбасадарам у Беларусі будзе Дзмітрый Мезенцаў. Калі ён прыбудзе ў Беларусь, пакуль не вядома.
Бабіч адпрацаваў на пасадзе амбасадара ў Мінску менш за год — са жніўня 2018-га.
