Расійскія Су-30СМ прыбылі ў Баранавічы на сумеснае баявое дзяжурства
Су-30СМ / Militaryarms.ru
Расійскія знішчальнікі Су-30СМ ВКС прыбылі ў сераду, 8 верасня, на аэрадром у Баранавічы.
Гэта спатрэбілася для фарміравання вучэбна-баявога цэнтра сумеснай падрыхтоўкі ВПС і войскаў СПА Беларусі і Расіі, паведамляе Мінабароны краіны.
Авіятары заступяць на сумеснае баявое дзяжурства па ахове паветраных межаў Саюзнай дзяржавы. Таксама яны прымуць удзел у вучэннях "Захад-2021".
Рашэнне стварыць вучэбна-баявыя цэнтры сумеснай падрыхтоўкі УС Беларусі і Расіі было прынята падчас перамоў кіраўнікоў абаронных ведамстваў 5 сакавіка 2021 года ў Маскве.
Як паведамляла раней Еўрарадыё, такія цэнтры ўяўляюць сур'ёзную пагрозу. Фактычна гэта вайсковыя навучальныя ўстановы РФ на тэрыторыі Беларусі, якія ажыццяўляюць ідэалагічную падрыхтоўку з расійскага боку.
