Расійскія чыноўнікі занепакоеныя беларускімі нумарамі на аўтамабілях
Яны сцвярджаюць, што такія машыны-фантомы складана адсачыць, а іх вадзіцеляў немагчыма прыцягнуць да матэрыяльнай адказнасці.
Чыноўнікі Белгарадскай вобласці прапанавалі ўладам Расіі звярнуць увагу на вялікую колькасць на дарогах краіны аўтамабіляў з беларускімі нумарамі. Як паведамляюць расійскія СМІ, заўважна гэта стала ў 2013 годзе, калі расіяне атрымалі магчымасць купляць любыя аўто ў Беларусі без выплаты пошлін у бюджэт Расіі.
У выніку паўстаў канал дастаўкі машын з беларускімі нумарамі на тэрыторыю Расіі. Па расійскіх законах гэтыя аўтамабілі трэба зарэгістраваць на працягу шасці месяцаў іх знаходжання ў краіне. Аднак гэтую працэдуру аўтаўладальнікі лёгка абыходзяць.
Пры гэтым такія аўто незарэгістраваныя ў расійскіх базах дадзеных, а іх уладальнікі не плацяць з іх падаткі.
Фота — ria.ru
