Расійскі прэзідэнт даслаў лідэрам ЕС і СНД прапановы па выхадзе з крызісу

Канкрэтныя прапановы па выхадзе з фінансавага крызісу накіраваў лідэрам 18 краін і Еўрасаюзу, а таксама краін СНД расійскі прэзідэнт Дзмітрый Мядзведзеў. Як паведамляе ИТАР-ТАСС, цяпер у Маскве чакаюць адказаў. Ужо ў бліжэйшыя дні адбудуцца "інтэнсіўныя кансультацыі" з ЗША.

Памочнік Мядзведзева па фінансавых пытаннях Аркадзь Дворкавіч кажа, што "магчымая дамоўленасць аб асноўных прынцыпах вырашэння праблемаў і фармавання адзінага плану дзеянняў". Не выключана, што будзе падпісаная сумесная дэкларацыя.