Расійская амбасада ў Беларусі нагадала пра дзень нараджэння Мураўёва-Вешальніка
Расійская амбасада ў Беларусі 12 кастрычніка нагадала пра дзень нараджэння Міхаіла Мураўёва-Вешальніка. Адпаведны пост з'явіўся ў Твітар-акаўнце рускай амбасады ў Беларусі.
"12 кастрычніка 1796 г. нарадзіўся Міхаіл Мікалаевіч Мураўёў-Віленскі — значны рускі дзяржаўны і ваенны дзеяч, генерал-губернатар Паўночна-Заходняга краю, які праславіўся ўціхамірваннем польскага бунту 1863-64 гг. на тэрыторыі цяперашніх Беларусі і Літвы", — адзначаюць расійскія дыпламаты.
"Польскі бунт", пра які ідзе гаворка, — гэта паўстанне пад кіраўніцтвам нацыянальнага героя Беларусі Кастуся Каліноўскага. Паўстанне, як вядома, было жорстка задушанае, а генерал-губернатар Мураўёў атрымаў мянушку "Вешальнік".
12 октября 1796 г. родился Михаил Николаевич Муравьёв-Виленский — видный русский государственный и военный деятель, генерал-губернатор Северо-Западного края, прославившийся усмирением польского мятежа 1863-64 гг. на территории нынешних Беларуси и Литвы. #BOTD pic.twitter.com/XbdZezzFvF
— Russia in Belarus (@RusEmbassyMinsk) October 12, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
