Расіяніна ў Мінску затрымалі за бела-сіне-белую налепку на машыне
![Расіянін, затрыманы за бела-сіне-белую налепку / кадр з відэа](/sites/default/files/styles/gallery_main/public/2023-08/bsb-1104.jpg.webp?itok=3Eo1y3Kj)
Расіянін, затрыманы за бела-сіне-белую налепку / кадр з відэа
У Мінску сілавікі затрымалі расіяніна за бела-сіне-белую налепку на аўтамабілі, паведамляюць праваабаронцы.
Мужчына родам з Пскова. У відэасюжэце, які апублікавалі сілавікі, ён кажа, што машыну набыў дома і прыехаў на ёй у Беларусь.
Бела-сіне-белы сцяг — сімвал дэмакратычнай Расіі, якая выступае супраць рэжыму Пуціна. Таксама гэтую сімволіку выкарыстоўвае легіён "Свободная Россия", які ваюе на баку Украіны. Сілавікі называюць арганізацыю тэрарыстычнай і вінавацяць затрыманага расіяніна ў прапагандзе тэрарызму.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.