Расія забараніла ўвоз яблыкаў ужо з 31 беларускага прадпрыемства
Рассельгаснагляд забараніў увоз яблыкаў з 31 беларускага прадпрыемства. Такі вынік інспекцыі, якую правялі супрацоўнікі расійскага ведамства з 1 па 9 лютага на беларускіх прадпрыемствах-вытворцах.
Як паведамляецца на сайце Рассельгаснагляду, інспектары наведалі 84 прадпрыемствы-вытворцы свежых яблыкаў і гуркоў у Беларусі, якія пастаўляюць прадукцыю на тэрыторыю Расіі. У выніку пад забарону трапілі 37% праінспектаваных прадпрыемстваў.
Раней Рассельгаснагляд паведаміў пра дзевяць беларускіх прадпрыемстваў, у сховішчах якіх не выявіў яблыкі. Нягледзячы на гэтую адсутнасць, фімы пастаўлялі яблыкі ў Расію гэтай зімой.
Цяпер да іх дадаліся яшчэ 22 прадпрыемствы-вытворцы, якія не маюць яблыкаў на сваіх складах:
1. ФГ (фермерская гаспадарка) "Альшанская слабада" Брэсцкая вобл., Столінскі р-н, в. Альшаны;
2. КФГ "Дубай Транс" Брэсцкая вобл., Столінскі р-н, в. Альшаны;
3. ФГ "Проба" Брэсцкая вобл., Столінскі р-н, в. Альшаны;
4. ФГ "Ліголь" Брэсцкая вобл., Пінскі р-н, д. Аснежыцы;
5. КФГ "Люберт" Брэсцкая вобл., Столінскі р-н, в. Альшаны;
6. ФГ "Авен Езэр" Брэсцкая вобл., Столінскі р-н, в. Альшаны;
7. ФГ "ВСК САД" Брэсцкая вобл., Пінскі р-н, д. Пасенічы;
8. КФГ "Ларынік" Брэсцкая вобл., Столінскі р-н, в. Альшаны;
9. КФГ "Сададзіва Марыі" Брэсцкая вобл., Столінскі р-н, в. Альшаны;
10. КФГ "Устымчука М.М." Брэсцкая вобл., Іванаўскі р-н, аграгарадок Рудск;
11. ФХ "Гедэон" Брэсцкая вобл., Столінскі р-н, в. Альшаны;
12. КФГ "Бастыён Агра" Брэсцкая вобл., Столінскі р-н, г. Давыд-Гарадок;
13. ФГ "Язвінка" Брэсцкая вобл., Столінскі р-н, в. Альшаны;
14. ПГУП "ОлДзіТранс" в. Вымна, вул. Віцебская;
15. ФГ "Грынвей Фрут" Гомельскі р-н, пас. Янтарны;
16. СВК "Пагранічны", Гродзенскі раён, в. Адэльск;
17. СВК "Ашмянскі Світанак", Ашмянскі р-н, в. Навасёлкі;
18. ФГ "Аніта", Гродзенская вобл., Лідскі р-н, в. Доўкні;
19. КФГ "Нюнька Р.А.", Гродзенская вобл., Шчучынскі р-н, в. Кобраўцы;
20. ААТ "Старыца агра", Капыльскі р-н, а/г Старыца;
21. КФГ "Ясная Зара", Мінская вобл., Мінскі р-н, пас. Слабада;
22. Філіял "Праўда-Агра" ААТ "Агракамбінат Дзяржынскі", Мінская вобл., Дзяржынскі р-н, а/г Тамковічы.
Нягледзчы на адсутнасць яблыкаў, прадукцыя з гэтых прадпрыемстваў пастаўлялася ў Расію у снежні 2017-га — лютым 2018 года.
Таму Рассельгаснагляд з 14 лютага забараняе ўвоз свежых яблыкаў да вынікаў экспертных перамоў з Галоўнай дзяржаўнай інспекцыяй па насенняводстве, каранціне і ахове раслін Рэспублікі Беларусь.