Раніцай у сераду каля Зямлі праляціць вялізны астэроід
Раніцай у сераду, 7 сакавіка, каля Зямлі праляціць вялізны астэроід. Яго памер можна параўнаць з трыма футбольнымі палямі. Як інфармуе тэлеканал “Беларусь 1”, максімальнае збліжэнне касмічнага цела з нашай планетай адбудзецца ў 10:53 паводле беларускага часу. Адлегласць ад Зямлі да астэроіда складзе каля паўтара мільёна кіламетраў. Адзначым, што гэта ў чатыры разы больш, чым адлегласць ад планеты да Месяца.
