Пётр Ялфімаў не прайшоў у фінал “Еўрабачання”

Рэжысёр беларускага нумара Януш Юзэфовіч заяўляе, што на сцэне фактычна быў нумар “жонкі” Ялфімава Таццяны Касмачовай, а не яго. Пётр Ялфімаў не трапіў у фінал Еўрабачання.

У Маскве прайшоў першы паўфінал песеннага конкурсу. Па яго выніках еўрапейскія тэлегледачы абралі 10 удзельнікаў, якія працягнуць змаганне. Гэта Турцыя, Швецыя, Ізраіль, Партугалія, Мальта, Фінляндыя, Боснія і Герцагавіна, Румынія Арменія ды Ісландыя.

Галасаванне было закрытым, і яго вынікі стануць вядомыя толькі пасля фіналу.

У жывым эфіры Першага канала рэжысёр беларускага нумара Януш Юзэфовіч распавёў, што на маскоўскай сцэне сёння быў “нумар “жонкі” Ялфімава Таццяны Касмачовай. Ад яго пастаноўкі, па словах польскага спецыяліста, амаль нічога не засталося.

Фота: eurovision.tv