Пётр Парашэнка: Адбыўся ўвод расійскіх войскаў ва Украіну
Прэзідэнт Украіны адмяніў працоўны візіт у Турцыю і збірае пасяджэнне Савета нацыянальнай бяспекі і абароны (СНБА).
Прычынай Парашэнка назваў рэзкае абвастрэнне сітуацыі ў Данецкай вобласці, бо адбыўся ўвод расійскіх войскаў ва Украіну. Пра гэта гаворыцца на афіцыйным сайце прэзідэнта Украіны.
Акрамя таго, паведамляе прэс-служба Парашэнкі, Украіна тэрмінова ініцыюе скліканне пасяджэння Савета бяспекі ААН. Украіна таксама звяртаецца да сваіх еўрапейскіх партнёраў з заклікам сабраць надзвычайнае пасяджэнне Савета Еўрасаюза.
Тым часам старшыня АБСЕ Швейцарыя склікала экстранае паседжанне савета АБСЕ ў сувязі з рэзкім абвастрэннем сітуацыі ў Украіне.
Напярэдадні вечарам СНБА Украіны паведаміў, што расійскія вайскоўцы захапілі горад Новаазоўск і шэраг населеных пунктаў — Новаазоўскага, Старабешаўскага і Амвросіеўскага раёнаў Данецкай вобласці.
Фота — informator.su
