П'янага і абкуранага беларуса, які перавозіў наркотыкі, затрымалі ў Сопаце
П'янага беларуса з наркотыкамі злавілі ў Польшчы / паліцыя Сопата
1 студзеня паліцыя польскага Сопата затрымала нецвярозага грамадзяніна Беларусі. У яго машыне знайшлі псіхатропы і наркотыкі.
BMW, за рулём якога быў 32-гадовы беларус, паліцыянты спынілі каля 7-й гадзіны раніцы. Падчас размовы з кіроўцам яны адчулі пах алкаголю, а таксама заўважылі, што мужчыну гаворыць з цяжкасцю.
Алкатэст паказаў у кіроўцы 1,5 праміле алкаголю, а аналіз сліны выявіў сляды марыхуаны.
У самім аўто паліцыянты знайшлі ў сумцы на заднім сядзенні таблеткі, пакеты з крышталічным рэчывам, белы парашок, сушаныя расліны. Экспертыза выявіла, што гэта былі 268 порцый сінтэтычнага наркотыку клефедрону, а таксама марыхуана, гашыш і псіхатропныя рэчывы.
У адпаведнасці з польскім заканадаўствам беларусу можа пагражаць да 10 гадоў пазбаўлення волі за захоўванне наркотыкаў і да 3 гадоў — за п'янае кіраванне.
