Пуцін паведаміў, пры якіх умовах пойдзе на чацвёрты прэзідэнцкі тэрмін

Уладзімір Пуцін заявіў, што не ўпэўнены, ці скарыстаецца ён правам вылучыцца на чацвёрты прэзідэнцкі тэрмін. Па яго словах, яго знаходжанне ва ўладзе залежыць ад мноства фактараў.

"Першае — безумоўна, ёсць правілы, прадугледжаныя канстытуцыяй, і яны дакладна не будуць парушаныя з майго боку. Але я і не ўпэўнены, што я павінен цалкам скарыстацца гэтымі канстытуцыйнымі правамі. Гэта ўжо будзе залежаць ад канкрэтнай сітуацыі ў краіне, у свеце і ад маіх уласных настрояў", — перадае РБК заяву Пуціна ў інтэрв'ю амерыканскаму журналісту Чарлі Роўзу.

Інтэрв'ю было запісанае напярэдадні паездкі расійскага прэзідэнта ў Нью-Ёрк на юбілейную сесію Генасамблеі ААН.

Фота: AFP