Вы тут

Прыпынены ўдзел РБ у мерапрыемствах Міжнароднай федэрацыі універсітэцкага спорту

Санкцыі ў спорце / Ілюстрацыйнае фота pixabay.com

Прыпынены ўдзел Беларусі і Расіі ў мерапрыемствах Міжнароднай федэрацыі універсітэцкага спорту. Такое рашэнне прыняў выканаўчы камітэт арганізацыі. Таксама ў Расіі забралі права правесці ў 2023 годзе сусветную летнюю Універсіяду (яна мусіла прайсці ў Екацярынбургу).

Раней Міжнародная федэрацыя універсітэцкага спорту заявіла, што спартсмены з Беларусі і Расіі не змогуць удзельнічаць у спаборніцтвах і мерапрыемствах пад эгідай арганізацыі да канца 2022 года. Яны прапускаюць і летнюю Універсіяду 2022-га ў КНР.

Прычына санкцый — агрэсія Расіі супраць Украіны.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.