Прыправа кары можа дапамагчы ад хваробы Альцгеймера
Куркума, якая з’яўляецца абавязковым інгрэдыентам кары, можа выкарыстоўвацца для рэгенерацыі клетак галаўнога мозгу.
Да такой высновы прыйшлі нямецкія навукоўцы, якія апублікавалі вынікі сваіх даследаванняў у медыцынскім часопісе Stem Cell Research and Therapy
Эксперыменты на пацуках паказалі, што ствалавыя клеткі, задзейнічаныя ў рэгенерацыі пашкоджаных нервовых тканак, пасля ін’екцыі выцяжкі куркумы дэманструюць большую актыўнасць.
Медыкі спадзяюцца, што гэтыя вынікі змогуць дапамагчы ў распрацоўцы лекаў ад хваробы Альцгеймера і інсульту, перадае ВВС.
