Вы тут

Прыбіральню за мільён долараў закрылі пасля візіту Лукашэнкі і Парашэнкі

Фота: Белсат

У Гомелі зачынілі самую дарагую прыбіральню краіны, якую аўральна адчынялі перад прыездам у горад 25-26 кастрычніка Аляксандра Лукашэнкі і Пятра Парашэнкі, перадае "Белсат". Кіраўнікі дзяржаваў прыязджалі на Форум рэгіёнаў Беларусі і Украіны. 

Перад іх прыездам і адчынілі грамадскую прыбіральню на набярэжнай Сожа. Тады ж стала вядома, што кошт збудавання — каля мільёна долараў. Фінансаванне вялося з мясцовага бюджэту.

Дырэктарка Гомельскага палацава-паркавага ансамблю Ірына Пыркова ў каментары журналістам падкрэсліла, што прыбіральню яшчэ афіцыйна не ўвялі ў эксплуатацыю. Яна параіла звяртацца да будаўнікоў.

У прыёмнай Упраўлення капітальнага будаўніцтва кажуць, што прыбіральню закрылі праз надвор’е. Неафіцыйна дадаюць, што прыбіральня яшчэ недаробленая, таму там працуюць будаўнікі.