Прэтэндэнтка “Славянскага базару” сарвала голас, спяваючы для вяскоўцаў
Ганна Благава,
якая сёлета будзе прадстаўляць Беларусь на “Славянскім базары”, зараз
інтэнсіўна лечыцца і вяртае голас. Як стала вядома
Еўрапейскаму радыё, напярэдадні фестывалю спявачцы перастала падабацца гучанне
голасу і стала няўтульна спяваць, таму яна вырашыла звярнуцца да
спецыялістаў-фаніятараў.
Яны не выявілі ніякай паталогіі, але загадалі ўстрымацца ад спеваў, размоваў і іншых напружванняў звязак, у тым ліку ад праслухоўвання музыкі. Да таго ж, Ганне забаранілі ўжываць ў ежу вострае, смажанае і халоднае.
Благава: Адчуваю, што да “Славянскага базару” стану вегетарыянкай. Бо я вельмі люблю вострае мяса, добра пасоленае. Люблю халоднае і шмат з таго, ад чаго я зараз вымушаная адмовіцца.
Прычынай праблем з голасам канкурсантка і ўрачы лічаць стомленасць. Мінулым летам артыстка шмат працавала з тэатрам Ірыны Дарафеевай і ўдзельнічала ў акцыях “Майстры культуры — працаўнікам вёскі”:
Благава: Мы ездзілі і давалі па 3 канцэрты на дзень 6 разоў на тыдні. Відаць, таму мае звязкі і стаміліся.
Вымушаны адпачынак спявачкі хутчэй за ўсё скончыцца за тыдзень да “Славянскага базару”, дзе яна плануе выканаць песню “Чекай” з рэпертуару Таісіі Павалій і песню-сюрпрыз, пра якую пакуль нікому нічога не распавядае.
Яны не выявілі ніякай паталогіі, але загадалі ўстрымацца ад спеваў, размоваў і іншых напружванняў звязак, у тым ліку ад праслухоўвання музыкі. Да таго ж, Ганне забаранілі ўжываць ў ежу вострае, смажанае і халоднае.
Благава: Адчуваю, што да “Славянскага базару” стану вегетарыянкай. Бо я вельмі люблю вострае мяса, добра пасоленае. Люблю халоднае і шмат з таго, ад чаго я зараз вымушаная адмовіцца.
Прычынай праблем з голасам канкурсантка і ўрачы лічаць стомленасць. Мінулым летам артыстка шмат працавала з тэатрам Ірыны Дарафеевай і ўдзельнічала ў акцыях “Майстры культуры — працаўнікам вёскі”:
Благава: Мы ездзілі і давалі па 3 канцэрты на дзень 6 разоў на тыдні. Відаць, таму мае звязкі і стаміліся.
Вымушаны адпачынак спявачкі хутчэй за ўсё скончыцца за тыдзень да “Славянскага базару”, дзе яна плануе выканаць песню “Чекай” з рэпертуару Таісіі Павалій і песню-сюрпрыз, пра якую пакуль нікому нічога не распавядае.