Прапраўнуку Дуніна-Марцінкевіча беларусы паказалі "Пінскую шляхту"
З Польшчы вярнулася са сваіх першых замежных гастроляў трупа Палескага драматычнага тэатру. За тры дні пінскія артысты выступілі са спектаклем у Гайнаўцы, Беластоку і Бельску-Падляскім. Паўсюль яны гралі фарс-вадэвіль Дуніна-Марцінкевіча “Пінская шляхта” на палескай гаворцы. Між іншага, глядзеў пастаноўку і прапраўнук аўтара — Вінцэнта Дуніна-Марцінкевіча.
