Прадстаўнік Пекінскага ўніверсітэта расказаў пра таямніцу Мікалая Лукашэнкі
Мікалай Лукашэнка / БТ
Мікалай Лукашэнка падчас навучання ў Пекінскім універсітэце трымае ў сакрэце, чый ён сын. Пра гэта ў праграме "Галоўны эфір" расказаў сакратар партыйнага камітэта Пекінскага ўніверсітэта Хао Пін.
"Ён вельмі сціплы. Ён нікому не кажа, што ён сын прэзідэнта. Калі б пра гэта даведаліся, ці магчыма было наогул вучыцца?" — кажа Хао Пін. Пры гэтым ён назваў малодшага сына Лукашэнкі найлепшым студэнтам на курсе.
Таксама Хао Пін паведаміў са словаў выкладчыкаў, што ўсе беларускія студэнты, якія навучаюцца ў Пекінскім універсітэце па праграме абмену, вельмі руплівыя.
