Вы тут

"Працуем, браты": пра што перамаўляюцца "Дняпро-300" і "Агат"

Супрацоўнікі ўнутраных войскаў на акцыі пратэсту / Reuters

Апублікаваны новы запіс перамоў паміж сілавікамі. Як мяркуецца, двое супрацоўнікаў унутраных войскаў перагаворваюцца падчас разгону мірных пратэстаў у Мінску. Ён з'явіўся ў ТГ-канале @motolkohelp.

Пацвердзіць сапраўднасць запісу немагчыма. Можна толькі адзначыць рэгулярнасць, з якой апошнім часам падобныя перамовы трапляюць у прэсу. На мінулым тыдні былі апублікаваныя запісы тых, хто сочыць за сям'ёй Рамана Бандарэнкі, а таксама гутаркі людзей, па голасе падобных да старшыні Федэрацыі хакея Беларусі Дзмітрыя Баскава і прэс-сакратаркі Аляксандра Лукашэнкі Наталлі Эйсмант.

У двух новых файлах нехта з пазыўным "Дняпро-300" размаўляе з кімсьці, як мяркуецца, старшым па званні (ён не прадстаўляецца). Еўрарадыё расшыфроўвае змест запісаў.
 

"Усіх хай затрымліваюць, не*уй там стаяць"

Максімальная інфармацыя пра тых, хто размаўляе, — іх пазыўныя. Пры гэтым той, хто, як мяркуецца, з'яўляецца старшым, ніяк не прадстаўляецца. Хутчэй за ўсё, менавіта ён у наступным дыялогу дае ўказанне камандзе з пазыўным "Дняпро-300".

— "Дняпро-300", трэба абавязкова кагосьці затрымаць, на*уй. Прадумай так, каб былі, бл*, затрыманыя, бл*дзь, гэтыя "наглядчыкі", бл*дзь.

— Я "Дняпро-300", прыняў. Ужо аднаго ўзялі. Разам атрымліваецца [моцныя перашкоды, хутчэй за ўсё "...атрымліваецца дзесяць, трэба яшчэ". — Еўрарадыё].

— Я маю на ўвазе з тых, хто там стаіць, бл*дзь, гэтыя назіральнікі, на*уй.

— Прыняў-прыняў. 320, 302. [Перашкоды] Працуем, браты!

[…]

Мяркуючы па наступным урыўку перамоў, гаворка можа ісці пра работу ў ачапленні, якое не прапускае пратэстоўцаў да таго часу, пакуль іх не затрымаюць.

— Ты справа запускаў каго?

— Справа пайшоў 302... 301.

— [Перашкоды] Зверху хтосьці бяжыць насустрач?

— З тыльнага боку зайшлі. "Дняпро-300", я... "Дняпро-12", "Дняпро-300", зайшлі з тыльнага боку, бяруць.

— Усё, малайцы, хай працуюць. Усё, усіх хай затрымліваюць, не*уй там стаяць.

— 302, хутчэй-хутчэй. 301, 301, хутчэй-хутчэй. Бярэм, бярэм усіх.

Наступная размова ідзе асобным файлам. У ім ужо іншыя ўдзельнікі. Мяркуючы па змесце, адзін з удзельнікаў — той, хто можа прымаць рашэнні пра месцазнаходжанне вайсковых машын.

— "Агат", я 310-ы, прыём.

— На прыёме.

— Значыць, наша месца заняў жоўты аўтобус. Таму дазвольце, мы станем за медыцынскай машынкай. Каля прыбіральняў.

— Так, станавіцеся насупраць прыбіральняў проста.

— Зразумеў, выконваю.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.