Польскія вайскоўцы выратавалі з балота ля беларускай мяжы чатырох мігрантаў
Польскія вайскоўцы, памежнікі і пажарнікі выратавалі з балота каля беларускай мяжы чатырох мігрантаў. Здарэнне адбылося ўвечары 14 снежня, паведамляецца на сайце войскай тэрытарыяльнай абароны Польшчы.
Групу грамадзян Сірыі ды Ірака памежнікі выявілі падчас патрулявання. Праз дзесяць хвілін да балота прыбылі 19 салдатаў тэрытарыяльных войскаў, якія заняліся ратаваннем мігрантаў.
Здароўю і жыццю людзей пагражаў холад. Вайскоўцы разам з пажарнікамі перавезлі людзей на насілках у бяспечнае месца, высушылі і накрылі тэрмакоўдрамі, а запотым даставілі ў лякарню. Трох мужчын і адну жанчыну шпіталізавалі.
Tak wyglądała akcja ratownicza migrantów z Syrii, którzy utknęli na bagnach. Działania strażaków i @Straz_Graniczna wspierali żołnierze WOT z #4WMBOT.
— Terytorialsi - Zawsze gotowi, zawsze blisko! (@terytorialsi) December 15, 2021
Tu więcej: https://t.co/6wk9peSObS#Terytorialsi #SilneWsparcie #PolandHoldtheLine #polandborder #migrants pic.twitter.com/xYSSDnkavg
