“Песняры” праедуцца з “палітычным турам” па Украіне
Беларускі гурт бярэ ўдзел у канцэртным туры, арганізаваным рухам “Украінскі выбар”.
Гэтая арганізацыя вядзе актыўную прапаганду ўступу Украіны ў Мытны саюз. Акрамя беларускіх музыкаў у туры прымуць удзел гурты: С.к.а.й. (Украіна), "Чайф" (Расія), "Антыцелы" (Украіна), Кубанскі казацкі хор (Расія), Эмір Кустурыца і TheNoSmokingOrchestra (Сербія), "Браты Карамазовы" (Украіна).
Афіцыйна канцэртны тур "Мы адзіныя" прымеркаваны да 70-годдзя вызвалення Украіны ад фашысцкіх захопнікаў, паведамляюць украінскія СМІ.
Адзначым, што ўзначальвае “Украінскі выбар” вядомы палітык Віктар Медвядчук. Па дадзеных украінскіх СМІ, Уладзімір Пуцін з'яўляецца хросным бацькам дачкі Медвядчука Дар'і.
