Пажар на прадпрыемстве ў Лідзе (фота, відэа)
Узгаранне на тэрыторыі сумеснага закрытага акцыянернага таварыства адбылося апоўдні ў чацвер.
Гарэлі некандыцыйныя пластыкавыя адкіды вытворчасці. Побач знаходзіўся склад гатовай прадукцыі. За 13 хвілін выратавальнікі (а на месца прыехалі аж 7 пажарных разлікаў) ліквідавалі ўзгаранне.
Абставіны і вінаватыя асобы ўстанаўліваюцца. Меркаваная прычына пажару — парушэнне супрацьпажарных патрабаванняў пры правядзенні зварачных работ, інфармуе прэс-служба МНС.
Фота — mchs.gov.by
