Павялічваецца колькасць ахвяраў паводкі на французскай Рыўеры
![Павялічваецца колькасць ахвяраў паводкі на французскай Рыўеры](/sites/default/files/styles/gallery_main/public/2023-08/francyja-0410-1.jpg.webp?itok=bB3Xd_Gu)
На поўдні Францыі ад шторму загінулі не менш за 16 чалавек. Яшчэ тры прапалі без вестак, перадае BBC.
Надзвычай моцны вецер і дождж прывялі да затаплення і перабояў з пастаўкамі электрычнасці на французскай Рыўеры. Мясцовыя ўлады назвалі наступствы стыхіі "сцэнамі з Апакаліпсісу"
Недалёка ад Анціб трое пажылых людзей загінулі, калі вада затапіла дом для састарэлых. Некалькі чалавек загінулі ў падземнай паркоўцы.
Вуліцы Канаў усё яшчэ запоўненыя знесенымі вадай аўтамабілямі, якія грувасцяцца адзін на адным.
Галоўная аўтастрада ў рэгіёне перакрытая, як і многія чыгункі.
У тысячах дамоў няма электразабеспячэння. Па словах метэаролагаў, за двое сутак на Ніцу выпала каля 10% гадавых ападкаў.
Ад дажджоў рака Браг выйшла з берагоў і затапіла прыбярэжныя гарады і вёскі.
Фота: Reuters
![Павялічваецца колькасць ахвяраў паводкі на французскай Рыўеры](/sites/default/files/paragraphs/image/francyja-0410-2.jpg)