Патрыярх Кірыл: Нацыянальнае будаўніцтва немагчымае без удзелу царквы

Аляксандр Лукашэнка ўпэўнены, што візіт патрыярха Кірыла надасць "новы дынамічны імпульс дзяржаўна-царкоўнаму супрацоўніцтву".
Пра гэта прэзідэнт заявіў 25 верасня ў Мінску падчас сустрэчы з патрыярхам Маскоўскім і ўсяе Русі Кірылам.

Паводле яго слоў, паміж свецкай і духоўнай уладай у Беларусі склаліся "па-сапраўднаму партнёрскія адносіны".

Патрыярх Кірыл, у сваю чаргу, заўважыў, што год ад года праваслаўная царква" па праву становіцца адным з важных інстытутаў беларускага грамадства, надзейнай апорай дзяржавы".

Пры гэтым ён падкрэсліў, што нацыянальнае будаўніцтва ў краіне, у якой пераважная большасць насельніцтва спавядае праваслаўе, "немагчымае без удзелу царквы".

БелаПАН