Пасля візіту Лукашэнкі ў Беларусі могуць стварыць "туркменскі астравок"
Кіраўнік дзяржавы знаходзіцца з афіцыйным візітам у Туркменістане. У аўторак ён сустракаўся з прэзідэнтам гэтай краіны Гурбангулы Бердымухамедавым.
Аляксандр Лукашэнка запрасіў туркменскіх спартоўцаў рыхтавацца да спаборніцтваў на спартовых базах у Беларусі разам з беларускімі атлетамі. "Прэзідэнт Туркменістана прыняў гэтую маю прапанову", — цытуе словы Лукашэнкі БЕЛТА.
Падчас перамоваў кіраўнікоў дзяржаваў згадвалася, што ў Беларусі ў ВНУ навучаецца некалькі тысяч студэнтаў з Туркменістана. У сувязі з гэтым Лукашэнка прапанаваў стварыць у нашай краіне своеасаблівы моладзевы "туркменскі астравок", дзе былі б інтэрнаты, гасцініцы.
Лукашэнка пахваліў туркменаў, якія гуляюць у хакей пры плюс 45 градусах
Фота — БЕЛТА
