Пасля публікацыі Еўрарадыё на могілках паставілі помнік забітым салдатам

Еўрарадыё апублікавала ліст жыхароў Рэчыцкага раёна летась у траўні. Людзі распавядалі пра могілкі каля вёскі Падроўнае, якая ўжо знікла. Там амаль спарахнела драўляная агароджа. У даволі занядбаным стане быў і помнік салдатам, якія падчас вызвалення Беларусі ў 1944 годзе гінулі ў полі ля могілак.

Тады пра вырашэнне праблемы заявіў кіраўнік Заспенскага сельвыканкама Сяргей Зелянкоўскі і чыноўнікі з Рэчыцкага райвыканкама. Агароджу ля могілак аднавілі ўжо праз некалькі месяцаў. А што тычыцца помніка, яго паставілі на ўлік. Аказалася, што памяць загінулых у свой час уласнымі сіламі ўшанавалі мясцовыя жыхары.

Вось як выглядалі могілкі напрыканцы вясны 2014 года.

Вось якія пераўтварэнні адбыліся праз некалькі месяцаў.

Гэты фотаздымак новага помніка салдатам зроблены сёлета ў жніўні.