Пасля фэйкавай рассылкі ГУБАЗіК затрымаў 40-гадовага мінчука
![Андрэй Варонін / vk.com](/sites/default/files/styles/gallery_main/public/2023-08/22_16.jpg.webp?itok=Ubujzsf9)
Андрэй Варонін / vk.com
Пасля фэйкавай рассылкі ГУБАЗіК затрымаў 40-гадовага мінчука. Гэта Андрэй Варонін. Ці распачалі супраць яго нейкую справу, пакуль невядома, піша "Наша ніва".
Пра фэйкавую рассылку ад імя BYPOL стала вядома ў чацвер. У ёй прапаноўвалася прайсці па спасылцы, каб праверыць, ці ёсць тваё прозвішча ў базе ГУБАЗіКа.
BYPOL адразу ж заявіў, што не мае дачынення да рассылкі, а за ёй стаяць сілавікі, якія "стварылі фальшывы чат-бот для папаўнення арміі затрыманых". Гэта не першая такая правакацыя, мэтай якой з'яўляецца выяўленне падпольшчыкаў у Беларусі, якія чакаюць пачатку рэалізацыі "Плана "Перамога".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.