Пасля 76 дзён каранціну адкрылі Ухань, адтуль адразу ж выехалі 65 тысяч чалавек
Пасля 76 дзён каранціну адкрылі кітайскі горад Ухань, адтуль адразу ж выехалі 65 тысяч чалавек, паведамляе apnews.com. Кітайскія ўлады дазволілі рух па аўтамабільных дарогах, аднавілася праца грамадскага транспарту.
У снежні 2019-га менавіта з Ухані пачаўся распаўсюд каранавіруса. Колькасць заражаных складала больш за 50 тысяч чалавек, больш за 2500 чалавек памерлі. Аднак у апошнія дні ў горадзе не было ніводнага выпадку заражэння COVID-19. Таму і прынялі рашэнне пра спыненне каранціну. Праўда, улады заклікаюць жыхароў Ухані не выязджаць з горада без пільнай неабходнасці.
Ухань / Гэты і наступныя здымкі — Reuters
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
