Памерла ўдзельніца беларускага пасляваеннага Супраціўлення Леакадзія Шышэя
Леакадзія Шышэя / https://www.facebook.com/liudvika.kardzis
У Вільні памерла ўдзельніца беларускага пасляваеннага Супраціўлення Леакадзія Шышэя (Кавальчук). Ёй было 94 гады.
У 1946 годзе Шышэя ўдзельнічала ў заснаванні ў Слоніме беларускай падпольнай маладзёжнай арганізацыі "Чайка" (кіраўнік — Васіль Супрун). У 1947-м яе ўдзельнікаў арыштавалі савецкія карныя органы. Леакадзія Шышэя прайшла праз сталінскі ГУЛАГ (была ў зняволенні разам з Ларысай Геніюш), яе вызвалілі ў 1954 годзе. Жыла ў Вільні. Рада Беларускай Народнай Рэспублікі ўзнагародзіла яе медалём "100 гадоў БНР".
