Памерла спявачка Ціна Цёрнер
Ціна Цёрнер / PAP/DPA
24 траўня памерла спявачка Ціна Цёрнер.
"Ціна Цёрнер, "Каралева рок-н-ролу", мірна памерла сёння ва ўзросце 83 гадоў пасля працяглай хваробы ў сваім доме ў Куснахце недалёка ад Цюрыха, Швейцарыя", — гаворыцца ў заяве.
Ціна Цёрнер — амерыканская і швейцарская спявачка, актрыса, танцоўшчыца. За сваю кар'еру выпусціла дзевяць альбомаў. Восем разоў яна атрымлівала прэмію "Грэмі". Часопіс Rolling Stone назваў Цёрнер адной з найвялікшых спявачак сучаснасці.
