Палітзняволеную Алену Лазарчык адправілі ў ПКТ на 6 месяцаў
Алена Лазарчык
На шэсць месяцаў у ПКТ (памяшканне камернага тыпу) адправілі актывістку "Еўрапейскай Беларусі", палітзняволеную Алену Лазарчык. Як даведалася "Медыязона", гэта адбылося на пачатку траўня 2026 года.
Алена Лазарчык — удава актывіста і абаронцы Курапатаў Сяргея Мацкойця, які памёр у 2023 годзе.
У верасні 2022-га Алену асудзілі на 8 гадоў калоніі, абвінаваціўшы ў абразе Лукашэнкі, стварэнні "экстрэмісцкага фармравання" або ўдзеле ў ім, распальванні варожасці і грубым парушэнні парадку.
Пазней ёй дадалі яшчэ паўтара года калоніі, абвінаваціўшы ў непадпарадкаванні адміністрацыі калоніі. Гэты артыкул нярэдка ўжываюць супраць палітвязняў, каб падоўжыць ім тэрмін пазбаўлення волі. Свой тэрмін Алена адбывае ў ПК-24 у Зарэччы — калоніі, куды адпраўляюць адбываць тэрмін жанчын, якіх асудзілі паўторна.
