Палітзняволенага прадпрымальніка з Зэльвы асудзілі да трох гадоў калоніі
Віктар Ламека / Facebook
Палітзняволенага прадпрымальніка з Зэльвы Віктара Ламеку асудзілі да трох гадоў калоніі. Яго прызналі вінаватым у "паклёпе" і "абразе" Аляксандра Лукашэнкі. Прысуд быў агучаны ў судзе Зэльвенскага раёна 31 жніўня.
Ламеку затрымалі 29 сакавіка сёлета. Спачатку сілавікі моцна збілі мужчыну ў мікрааўтобусе, а затым супрацоўнікі 9-га ўпраўлення ГУБАЗіК МУС РБ працягнулі збіццё ў будынку ведамства, пішуць праваабаронцы. У красавіку яго прызналі палітвязнем.
Калі Віктар Ламека ўжо знаходзіўся ў СІЗА, стала вядома пра смерць яго маці.
У Беларусі налічваецца амаль паўтары тысячы палітвязняў.
