Палітвязня Мікалая Статкевіча перад Калядамі адправілі ў ШІЗА
Мікалай Статкевіч / Еўрарадыё
Палітвязня Мікалая Статкевіча адправілі ў штрафны ізалятар (ШІЗА). Пра гэта ў Фэйсбуку паведамляе ягоная жонка Марына Адамовіч.
"Гэтыя святочныя дні, напоўненыя чаканнем дзівосаў, Мікола Статкевіч праводзіць у ШІЗА. Чарговая "спецаперацыя", верагодна. Тэрмін "пакарання" мне невядомы. Дапускаю, што пастараюцца захапіць усе святы", — піша яна.
У астатні час вязня трымаюць у адзіночнай камеры памерам 1х3 метры.
Для Статкевіча, па словах Адамовіч, гэта не менш як 21-е спагнанне з ліпеня.
Мікалая Статкевіча затрымалі яшчэ да выбараў 2020 года, але абвінавацілі ў арганізацыі масавых беспарадкаў і асудзілі на 14 гадоў. Цяпер ён знаходзіцца ў калоніі ў Глыбокім.
