Палітвязень Мікіта Емяльянаў выйшаў на сувязь з роднымі праз месяц "цішыні"
У чацвер палітвязень Мікіта Емяльянаў атрымаў магчымасць паразмаўляць са сваякамі па тэлефоне з турмы, паведамляюць праваабаронцы.
Емяльянаў распавёў, што ў ШІЗА яго ўтрымлівалі 42 дні і ён выйшаў адтуль толькі 22 верасня.
Ад палітзняволенага не было ніякіх звестак больш за месяц — ні тэлефанаванняў, ні лістоў да блізкіх і сяброў. Адміністрацыя турмы склала на палітвязня 6 рапартаў за парушэнне правілаў унутранага распарадку.
За час, пакуль ён быў у ШІЗА, Мікіце прыйшло 40 лістоў, на якія ён ўжо паспеў адказаць. Емяльянаў таксама падцвердзіў, што яго пазбавілі кароткатэрміновага спаткання з роднымі. На строгім турэмным рэжыме яно прадугледжанае раз на год.
Актывіст анархісцкага руху Мікіта Емяльянаў пазбаўлены волі на 4 гады, ён адбывае пакаранне ў калоніі ўзмоцненага рэжыму.
