Палітпрызыўніка Івана Шылу камісавалі з войска

Моладзевы лідэр з Салігорску палітыпрызыўнік Іван Шыла пакінуў тэрыторыю вайсковай часткі ў вёсцы Межыца 3 снежня а 17-й гадзіне.  Па рашэнні Цэнтральнай вайсковай лекавай камісіі моладзевы актывіст быў камісаваны, паведамляе сайт "Салігорск.org". Ужо сёння ўвечары моладзевы актывіст будзе ў бацькоў.

Як адзначае nn.by, прычынай камісавання стала алергія. Вайсковыя медыкі вырашылі, што Івану нельга з такім захворваннем працягваць службу. Тым не менш 10 месяцаў салігорскі маладафронтавец паспеў адслужыць.