Паліцыя ўзяла штурмам кавярню з закладнікамі ў Сіднэі (відэа)
Узброены тэрарыст, які захапіў людзей, быў забіты.
Прыкладна ў дзве гадзіны ночы паводле мясцовага часу аўстралійская паліцыя штурмавала кафэ Lindt ў Сіднэі, інфармуе ВВС. Нагадаем, што ў гэтай кавярні ўзброены мужчына больш за 16 гадзін трымаў закладнікаў.
Як мяркуецца, паліцыянты пры штурме выкарысталі выбухпакеты, каб дэзарыентаваць злачынцу.
Перад гэтым з кавярні выбеглі прынамсі шэсць чалавек. Неўзабаве пасля пачатку штурму выбеглі яшчэ больш за дзесяць закладнікаў. Некалькі чалавек вынеслі з памяшкання на насілках.
Як паведамляюць карэспандэнты з месца падзей, чалавек, які ўтрымліваў закладнікаў, забіты.
Паліцыя Аўстраліі назвала імя чалавека, які ўзяў закладнікаў у кавярні. Гэта Ман Харон Моніс, імігрант з Ірана, які атрымаў у Аўстраліі палітычны прытулак. Раней яму былі выстаўленыя абвінавачванні ў сэксуальным гвалце.
Фота — АР
