Падаткавікі трацілі бюджэтныя грошы на віно, плюшавыя цацкі і порна
Скандал выбухнуў у Падатковай службе ЗША.
Праверка выявіла там чарговыя парушэнні: супрацоўнікі на бюджэтныя грошы набывалі порнафільмы, смартфоны, таблеткі, плюшавыя цацкі, дзіцячыя гульні, рамантычныя навэлы і алкаголь. Пра гэта гаворыцца ў справаздачы генеральнага інспектара міністэрства фінансаў.
Два ўладальніка службовых крэдытак патрацілі грошы на анлайн-парнаграфію, а пасля, у сваё апраўданне, заявілі, што карткі былі скрадзеныя. Прычым адзін з супрацоўнікаў так "загуляўся", што "згубіў" аж пяць картак.
