Падарунак ад “Дай Дарогу!”: новае гучанне песні “Новый год”

Брэсцкія панкі “Дай Дарогу!” адмыслова да святаў перазапісалі свой самы навагодні хіт.

“Песня “Новый год” была запісаная яшчэ ў 1990-х, — тлумачыць рашэнне лідар гурта Юры Стыльскі. — Мы тады і запісвацца не ўмелі і звярнуцца не было да каго, бо ў нас у Брэсце толькі самадзелкіны былі. Мы яе як праслухалі... цікава ж было, што ёсць песня, але мы яе ніколі на Новы год не выкладаем! А там вакал у нас паскораны, увогуле не мой, нейкая Масяня спявае. Ну і ўсё! Не цяжка ж схадзіць на студыю і перарабіць”.

Так што гэта першы раз, калі песня “Новый год” з’яўляецца падарункам “Дай Дарогу!” ўсім сваім прыхільнікам непасрэдна да Новага года. З надыходзячымі святамі вас! Адрывайцеся!