Выйшаў новы кліп гурта "Дай Дарогу!" — "Я вярнуся дадому"
"Прысвячаецца ўсім тым, хто ў барацьбе за справядлівасць, законнасць і праўду страціў свой дом" / Кадр з відэа
Выйшаў новы кліп беларускага гурта "Дай Дарогу!", які мае назву "Я вярнуся дадому". "Прысвячаецца ўсім тым, хто ў барацьбе за справядлівасць, законнасць і праўду страціў свой дом", — пішуць музыкі. І ўдакладняюць, што маюць на ўвазе смелых удзельнікаў пратэстаў 2020-га ў Беларусі, палітвязняў і палітуцекачоў, якія працягваюць барацьбу і ў замежжы.
"Дай Дарогу!" з аптымізмам глядзіць у будучыню: "Мы абавязкова з горда паднятай галавой вернемся дадому! Жыве Беларусь! Слава Украіне!".
У здымках кліпа паўдзельнічалі Лявон Вольскі, Уладзімір Пугач, Арцём і Ксенія Лук'яненка, Дзяніс Тарасенка, Кацярына Ваданосава, Мікіта Мелказёраў, Дзяніс Дудзінскі, Аляксандр Ждановіч і Аляксандр Івулін.
Лідар "Дай Дарогу!" Юрый Стыльскі вымушана пакінуў Беларусь у 2021-м: у РБ прызналі "экстрэмісцкім" кліп "Баю-бай" гурта.
