Пад Кіевам абстралялі аўтамабіль першага памочніка Зяленскага
Сяргей Шэфір не пацярпеў, быў паранены яго кіроўца.
Пад Кіевам абстралялі аўтамабіль першага памочніка прэзідэнта Украіны Уладзіміра Зяленскага Сяргея Шэфіра. Ён не пацярпеў, быў паранены яго кіроўца, паведамляе УНІАН.
У машыну трапілі 10 куль. Кіроўца атрымаў тры з іх і знаходзіцца ў цяжкім стане.
Аб'яўлена спецаперацыя "Сірэна", зламысніка ці зламыснікаў шукаюць. На месца здарэння прыбыла генпракурор Украіны Ірына Венедыктава.
Шэфіру 57 гадоў. Ён — дырэктар і заснавальнік "Студыі Квартал-95", дзе працаваў разам з Зяленскім. Першым памочнікам прэзідэнта Украіны стаў у траўні 2019-га пасля перамогі Уладзіміра Зяленскага на выбарах.
Зяленскі цяпер у ЗША, дзе ўдзельнічае ў пасяджэнні Генасамблеі ААН.
Розшук осіб, які обстріляли авто першого помічника Президента України: проводиться поліцейська спецопераціяhttps://t.co/ks3vSOJujv#поліція #Київ #новини pic.twitter.com/MQry3omPXv
— Національна Поліція (@NPU_GOV_UA) September 22, 2021
