Вы тут

Пад Гроднам з-за лася перакулілася цыстэрна з цэментам

vk.com/grodnogai

Пад Гроднам з-за лася перакулілася цыстэрна з цэментам. Як інфармуе прэс-служба ДАІ Гродзенскай вобласці, здарэнне адбылося яшчэ ў сераду. Жывёла раптоўна выбегла на дарогу, і 55-гадовы кіроўца МАЗа, пазбягаючы наезду, ужыў экстраннае тармажэнне: грузавік занесла і ён апынуўся ў кювеце. Цыстэрна з цэментам лягла на правы бок. Яе ўдалося падняць з дапамогай аўтакрана. Грузавік выехаў на дарогу самастойна. Кіроўца падчас здарэння не атрымаў траўмаў.

vk.com/grodnogai

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.