Пад Дзятлавам жанчына хацела спаліць кватэру саперніцы, але памылілася адрасам

Пажар даволі хутка патушылі, агонь заўважыла суседка / vk.com/uvdgrodno
Пажар даволі хутка патушылі, агонь заўважыла суседка / vk.com/uvdgrodno

Трагікамічная гісторыя адбылася ў вёсцы Гезгалы Дзятлаўскага раёна Гродзенскай вобласці. Мясцовая жыхарка вырашыла пакараць аднавяскоўку — ёй здалося, што тая спрабуе спакусіць яе мужчыну. Жанчына вылічыла, дзе жыве саперніца, і падпаліла ўваходныя дзверы ў яе кватэру.

Пажар даволі хутка выявілі і патушылі — агонь заўважыла суседка. Але гісторыяй зацікавілася міліцыя. Калі аператыўнікі прыйшлі да падазраванай, яна расказала пра свае матывы. "Праўда, аказалася, што жанчына памылілася адрасам і падпаліла не тыя дзверы. 46-гадовая пацярпелая ледзь ведала падазраваную", — расказалі ва УУС Гродзенскага аблвыканкама. Высветлілася, што меркаваная саперніца жыла па іншым адрасе.

Тым не менш у дачыненні да падпальшчыцы завялі крымінальную справу па артыкуле "Наўмыснае знішчэнне альбо пашкоджанне маёмасці, здзейсненыя агульнанебяспечным спосабам". Санкцыя артыкула прадугледжвае да 10 гадоў пазбаўлення волі.

Под Дятлово женщина хотела сжечь квартиру соперницы, но ошиблась адресом
Пацярпелыя дзверы / vk.com/uvdgrodno

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі