Пад Брэстам ВАЗ сутыкнуўся з дрэвам, жанчына-кіроўца была заблакавана ў салоне

У Брэсцкім раёне легкавы аўтамабіль ВАЗ з'ехаў у кювет і сутыкнуўся з дрэвам, жанчына-кіроўца была заблакавана ў салоне. Як інфармуе прэс-служба МНС, здарэнне адбылося ўвечары 23 чэрвеня на аўтадарозе Брэст — мяжа Украіны каля вёскі Страдзеч.

З разбітага аўтамабіля жанчыну вызвалялі супрацоўнікі МНС. Яе шпіталізавалі з траўмамі рознай ступені цяжкасці. ДАІ праводзіць праверку.