Пад Брэстам п'яны кіроўца пратараніў аўтамабіль Дэпартамента аховы (фота)
І ўцёк з месца здарэння. Пазней медычнае асведчанне паказала 3,0 праміле ў крыві 23-гадовага мужчыны.
Аўтааварыя адбылася ўвечары 20 траўня на 4-м кіламетры трасы М1. Кіроўца Audi пратараніў аўтамабіль "ВАЗ-21723", які належыць Брэсцкаму абласному ўпраўленню Дэпартамента аховы. Апошняя машына адляцела і сутыкнулася з фурамі.
Audi быў таксама моцна разбіты, яго кіроўца з месца здарэння збег, кінуўшы свой аўтамабіль. Пазней яго затрымалі. Кіроўца "ВАЗ" і 18-гадовая пасажырка Audi былі шпіталізаваныя, інфармуе сайт tut.by.
