Пад Баранавічамі "Аўдзі" пры ДТЗ павіс на парэнчах моста (фота)
ДТЗ з цяжкімі наступствамі адбылося а 5-й гадзіне раніцы 19 траўня ў Баранавіцкім раёне, паведамляе gaibrest.by.
22-гадовы жыхар Баранавічаў на "Аўдзі 80" ехаў у напрамку Навагрудку. Кіроўца заснуў за рулём і на 26-м кіламетры аўтадарогі Р-5 "Баранавічы-Навагрудак-Іўе" з'ехаў у левы па ходзе руху кювет. Пры гэтым аўто ўрэзалася ў агароджу моста. Аўтамабіль перакуліўся і павіс на парэнчах.
Кіроўца ў выніку ДТЗ быў шпіталізаваны з цяжкімі траўмамі.
Праводзіцца праверка.
