Вы тут

Пацыент таксікалагічнага аддзялення ў Гомелі напаў з нажом на доктара

У Гомелі пацыент напаў з нажом на доктара / кадр з відэа

У гомельскай лякарні пацыент таксікалагічнага аддзялення напаў з нажом на дзяжурнага доктара, паведамляе прэс-служба МУС.

Здарэнне адбылося падчас начнога абыходу 16 студзеня. Мужчына нанёс лекару ўдары нажом у раён шыі і рук.

Калегі медыка паведамілі пра напад паставому міліцыянту. Той разам з напарнікам затрымаў нападніка. 

Жыццю пацярпелага доктара нічога не пагражае: ён знаходзіцца на амбулаторным лячэнні.

На гамельчука, які напаў на лекара, пачалі крымінальную справу за асабліва злоснае хуліганства.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.