Па вуліцах Глыбокага прайшло шэсце людзей з інваліднасцю (фота)
![Па вуліцах Глыбокага прайшло шэсце людзей з інваліднасцю (фота)](/sites/default/files/styles/gallery_main/public/2023-08/hlybokaje-2510-1.jpg.webp?itok=5ggBU6fW)
Глыбоцкая парафіяльная філія арганізацыі “Caritas” арганізавала мерапрыемства "Мы разам!". У ім прынялі ўдзел асобы з псіхічнымі і фізічнымі захворваннямі, іх бацькі ды апекуны.
Акцыя адбылася 24 кастрычніка. У ёй удзельнічалі больш за дзве сотні асоб. Як паведамляе сайт catholicnews.by, удзельнікі спаткання сабраліся ў касцёле Святой Тройцы. Пробашч парафіі ксёндз Мікалай Ціхановіч прывітаў гасцей, якія прыбылі на мерапрыемства не толькі з Глыбокага, але і з Мёраў, Паставаў, Лепеля, Ушачаў, Віцебска, Браслава, Шаркаўшчыны, Верхнядзвінскага раёна.
Потым удзельнікі імпрэзы прайшлі шэсцем ад касцёла да гарадскога дома культуры. У доме культуры гасцей пачаставалі, а потым пачалася забаўляльная праграма. Удзельнікаў чакалі разнастайныя гульні, конкурсы і танцы.
На другім паверсе дома культуры быў арганізаваны круглы стол. У ім прынялі ўдзел бацькі, апекуны асобаў з абмежаванымі магчымасцямі, сацыяльныя работнікі і святары.
Фота: catholicnews.by
![Па вуліцах Глыбокага прайшло шэсце людзей з інваліднасцю (фота)](/sites/default/files/paragraphs/image/hlybokaje-2510-2.jpg)
![Па вуліцах Глыбокага прайшло шэсце людзей з інваліднасцю (фота)](/sites/default/files/paragraphs/image/hlybokaje-2510-3.jpg)