Па справе бізнесменаў Япрынцавых дапытаюць Юрыя Чыжа
![Па справе бізнесменаў Япрынцавых дапытаюць Юрыя Чыжа](/sites/default/files/styles/gallery_main/public/2023-08/0704_hdz_sud_japryncavy_04-heb2r.jpg.webp?itok=1OuDW0BR)
Па справе бізнесменаў Уладзіміра і Казбека Япрынцавых дапытаюць Юрыя Чыжа, які з сакавіка знаходзіцца за кратамі. Пра гэта стала вядома ў панядзелак, калі ў Цэнтральным судзе сталіцы пачаўся гучны працэс. Па справе праходзяць трое абвінавачаных — згаданыя бацька і сын Япрынцавы, а таксама намеснік гендырэктара кампаніі "ТМСТ" Аляксандр Арабян. Іх абвінавачваюць у махлярстве, здзейсненым групай асоб ці ў асабліва буйным памеры. Сваёй віны яны не прызнаюць, інфармуе БелаПАН.
Вядома, што ў якасці пацярпелага таксама дапытаюць расійскага бізнесмена Юрыя Савяка (не раней за 14 ліпеня, паколькі ён знаходзіцца ў ЗША). Менавіта з ім у 2013 годзе Казбек Япрынцаў заключыў кантракт на пастаўку 20 тысяч тон мазута на агульны кошт 10 млн долараў. Аднак кантракт не быў рэалізаваны, перадаплата ў памеры 9 млн долараў не была вернутая.
Агульныя страты, нанесеныя абвінавачанымі сваім дзелавым партнёрам, склалі каля 31 млн долараў.
Уладзімір і Казбек Япрынцавы знаходзяцца за кратамі з лета 2015 года. Уладзімір Япрынцаў быў намеснікам Юрыя Чыжа ў "Трайпле". У мінулым Япрынцаў — вядомы спартсмен, заслужаны трэнер нашай краіны.
Фотафакт: да суда, дзе ідзе працэс над Япрынцавымі, прыйшлі дзясяткі спартсменаў
![Па справе бізнесменаў Япрынцавых дапытаюць Юрыя Чыжа](/sites/default/files/paragraphs/image/japr1160704-mjmbh.jpg)
![Па справе бізнесменаў Япрынцавых дапытаюць Юрыя Чыжа](/sites/default/files/paragraphs/image/0704hdzsudjapryncavy03-nossl.jpg)