Нобелеўскую прэмію міру атрымалі праваабаронцы з Пакістана і Індыі
Была адзначана дзейнасць 17-гадовай Малалы Юсуфзай і 60-гадовага Кайлашу Сацьярці.
Пра гэта ў пятніцу ў Осла паведаміў старшыня Нарвежскага нобелеўскага камітэта Турб'ёрн Ягланд. Малала Юсуфзай вядомая тым, што выступае па ўсім свеце за правы дзяўчынак на адукацыю, за што талібы спрабавалі яе застрэліць. Кайлашу Сацьярці вядомы тым, што прысвяціў сваё жыццё барацьбе за правы дзяцей, якія вымушаныя зарабляць сабе на жыццё, інфармуе ВВС.
РІА "Новости" адзначае, што сума Нобелеўскай прэміі сёлета склала 1 мільён долараў (летась — 1 млн 200 тысяч долараў).
Фота — Reuters
